ليه كتير من الأقباط المنتمين للنخبة السياسية أو الفكرية بيميلوا للليبرالية الجديدة، مع إن المنطق لأسباب كتير إنهم يجيبوا شمال
11 months ago.
80 comments so far
@MinaZekri : المسيحيين فقدوا الثقة فى مؤسسة الدولة ، و بالتالى مش عايزين يدوا أى صلاحيات للمؤسسة دى ، و دة اللى بيحدفهم يمين .... و أنا متفق معاهم فى كدة يا رفيق
أصل حاجة تغيظ يا هاني... الأقباط زيهم زي بقية الشعب طالع دين أبوهم ومش لاقيين ياكلوا وتلاقي يوم ما قبطي يخرج برة شرنقة الكنيسة ويقراله كتابين يتفلحص ويبقى مع الخصخصة والاستثمار والبزنس المفتوح وكأنه خلاص بيلعب بالأسهم والسندات... وهم زي بقية الشعب يعني طافحين الكوتة
اكيد زيهم زي بقية الشعب طلعان عينهم و موافقك انه اي حد بيقرا كتابين بيحس انه بقي اطول حوالي متر ... انت بتقول المنطق لأسباب كتير انهم يجيبوا شمال ... ايه الاسباب ؟
القبطي الكحيان - زي حالاتنا - ويجعجع بأطروحات الرأسمالية والليبرالية الجديدة والسوق المفتوح بيفكرني على طول بالكحيت ابو شبشب مقطوع وهو قاعد مع عزيز بيه القليط والسيجار في بقه وبيقول له يا مون بيه... وهو شحات مش لاقي ياكل
في ظل الفقر واحتكار كل موارد البلاد في إيد عصابات السلطة ورجال الأعمال الأوساخ الملتحفين بالسلطة - وهي طبيعة الرأسمالية في الدول المستبدة الإستهلاكية - الطبيعي إن الناس الطبيعية تجيب ناحية المطالب بتاعة العدالة الاجتماعية والحقوق الاقتصادية والاجتماعية اللي بالمناسبة لا تعني التنازل عن الحقوق السياسية والمدنية
الطبيعي للجماعات المستضعفة في المجتمع إنها تكون بتدور على جلول تشجع على التحركات الجماعية للطبقات الكادحة من أجل حقوق اقتصادية واجتماعية ترسخ المساواة اللي عمرها ما هتتحقق أبدا في ظل نظام رأسمالي غارق في الفساد يزداد فيه الغني ثراءا ويزداد الفقير فيه فقرا
طيب و الحلول التي تشجع علي الحصول علي حقوق اقتصادية و اجتماعيه لازم تكون جايه من ناحية اليسار ؟؟ يا مينا ليه ما نجمعش ما بين مميزات كل الاتجاهات دي ؟؟ و نحاول ان نبتعد عن عيوبها
ما فيش علاقة بين إنك تبقى شايف الحل جماعي و إنك تعمل دا من غير ما غير ما قلة ناس يبلطجوا على الأغلبية. بالعكس، دا ال المفروض يحصل.
ال حصل هو إن الناس ال محتكرين السلطة بيخافوا من الحل الجماعي، و علشان كدا دايما الإعلام بيخوف الناس من أي حاجة يسارية، و بيرسموا صورة الوحش السوفييتي، أو بيخوفوا الناس من وحش تاني اسمه "الفوضى".
السبب هو نفس السبب اللي خلى العمال في كفر الدوار والمحلة والعاشر من رمضان وكل المدن الصناعية يخترقهم التيار السلفي بقوة بدل من أن يميلوا نحو الإشتراكية
Ya Mina, 3alashan men qadeem el zaman we feih etefaq gheir mo3lan bein el moslemeen wel aqaleyat el deneyah el tanyah: sebolna el 7okoma, we 7anseblokom el business. Fa maynfa3sh teegy we teqool seebkom men el business, we nesthtaghal eshterakeyah, we khososan en 90% men el balad moslemeen. Ya3ny ay kekah homa 7ayekhdo menha 9/10. Fa ya3ny yakhdo el 7okm we 9/10 el business kaman?
Dah el sabab el manteqy elly ana shayfoh. ama ba2a en kanet el 7araka el lebraleyah el seyasah el qebteyah assasan feiha ay no3 men ay fekr aww sense, dih qessah tanyah. Ana mesta7lef ashabsheblohom lama anzel masr assasan, 3alashan ba2a badnenny aktar men el Ikhwan!
By the way, it's not logical to be leftists than it is logical to be rightist. No Ideology has masterd the art of Panacea yet, and their adherents become more zealoted and dogmatic than religious people because of it. If one is serious about solving issues, one has to keep his mind open to dieas from all sides and choose based on the subject. Ay 7agah gheir ekdah tahreeg rasmy we ghabah! Ma3a kamel e7teramy tab3an le ay Yasary aww yameeny shayef enoh howa elly laqah 7all el kon (zay mana kont kedah men sanateen kedah :P)!
@Sandmonkey: هارد بس على جزئية الحكم للمسلمين والاقتصاد للأقباط... هو انت مسدأ فعلا إن الأقباط واخدين الاقتصاد ومسيطرين ع البيزنس؟؟؟
هو انت بتحسب إمبراطور زي ساويرس على إنه "الأقباط"؟ طب لما لكح كرجل أعمال هرب بالفلوس ما ساب ليش "نصيبي" كقبطي... وعمري ما شميت ريحة فلوس غبور أو ساويرس... اقتصاد إيه يا راجل بس اللي متساب للأقباط؟ الأقباط دول مصريين عاديين طالع دين أبوهم زي الباقيين وأغلبهم في الحقيقة موظفين حكومة مش تجار ولا بتوع بزنس... وبالإضافة لده بيعانوا من التمييز والوصم والتخوين والتكفير ومن الأحرى بيهم إنهم يكونوا ضمن الناس اللي بتسعى لحلول جماعية وتحرك نحو مشتركات شعبية جماعية كفئة مهضومة حقوقها بزيادة حبتين عن الباقيين
لا بقولك ايه... احنا ماصدقنا... عاوز الصراحة.. المشكلة فينا... اليسار بقاله فترة بيتخلى عن العدالة الاجتماعية ويركز في التنوير وحرية التعبير وكأنها قضايا قائمة بذاتها... وكذلك الاسلاموفوبيا العالية في صفوفه خلته يفقد الكثير من "صلته بأرض الواقع والمجتمع"... ماشي يابودي
@waelk: يا عم وائل أنا اللي خلصني من الإسلاموفوبيا ما كانش الليبراليين ولا حتى حقوق الإنسان ولكن بالأساس أصدقائي اليساريين... يسار الإسلاموفوبيا دا اللي هو مين؟ التجمع بتاع اللوا رفعت السعيد ومع الدولة ضد الإرهاب؟؟ وهو دا يسار يا راجل
التجمع في التمانينات والنص الأول من التسعينات كان عارف يستقطب الأقباط بالإسلاموفوبيا تحديدا ودلوقت الليبراليين الجدد برضو بيستقطبوهم بنفس الفزاعة
اصدقاءك اليساريين مش كتاب منتظمين-للأسف- وهو ده مجال انتشار الأفكار...كام واحد بيكتب على العدالة الاجتماعية في صوت الأمة ولا الدستور... وحتى البديل (اليساري) نص نص ... وكمان لا تستهن بتأثير التجمع كصوت وحيد لليسار حتى وقت قريب ...
اليساريين من الآخر نفسهم مقطوع ومعندهمش مثابرة وجلد ومع الرايجة يخشوا زي هوجة غزة كده لكن ما ياخدوش مبادرات من نفسهم وعندهم احساس بالنقص رهيب - يعني نقص في العدد والعدة وبيصحوا متأخر وبيسهروا من غير ما يعملوا شيء مفيد والطالب اليساري لعبي ومش متفوق على عكس الطالب الإخوانجي وسلبيات كتير ومش واخدين قضية على قلبهم وحتى لو واخدين بيحبوا يريحوا كتير في النص
خلاص بقى نسيب الأقباط للإخوة الليبراليين الجدد بتوع "التنوير" ومكافحة "الظلامية" والترويج للخصخصة والنخصصة والأسواق المتفشخة، أو نسيبهم للأب يوتا ومواقع دولة أقباط مصر ويو إس كوبتس دوت كوم وبقية سلسلة الخرائيات... بس والنبي بقى ما حدش يبقى يلوم عليهم إنهم طائفيين ومع التطبيع وبيستقووا بأمريكا وشارون الله يرحمه ولا نلومهم على إيمانهم أن نار مبارك ولا جنة الإخوان
Lately it seems like a package not a mix and match situation, if you think u're civilized and you yearn to leave this country coz u're too good for such a place then u must adopt the liberal package that among its main concerns tags everybody else as ignorant.
مينا انت لية مش عايز تعترف بالحقيقة ان الاقباط واخدين البيزنس بس مش كل الاقباط علي طريقة ساويرس و غبور و لكح لكنكم واخدين البيزنس بانكوا بتاخدوا وظائف في شركات مرموقة و مرتبات كبيرة و باب الهجرة و ايجاد فرص عمل في الخارج مفتوح قدامكوا لكن المسلمين معندهومش حد يمد لهم ايده مش لاقي تاكل اخبط دماغك في الحيط
@oke1985: تصوراتك لا أساس لها من الصحة... التقسيمة بتاعة المجتمع في الشغل والوظايف والفلوس مش دينية وإنما طبقية
تصوراتك غير الموضوعية دي جزء كبير منها بالمناسبة حكومية المصدر... يعني وزيرة القوى العاملة (أم إعدادية وزغروطة) قالت نفس كلامك ده بصيغة إن الأقباط وهم 10 % يمتلكون 30 % من ثروة البلد... ودا يا ناصح يا أذكى اخواتك خطاب طائفي تحريضي... لأن ما ينفعش تحسب فلوس ساويرس على إنها فلوسي... التقسيمة محتاجة ترجع تاني تتشاف طبقية مش طائفية... يعني الفقرا نسبتهم 95 % مثلا والأغنيا 5 % وساعتها تبقى فيه مبررات للنضال المشترك ضد اولاد الوسخة اللي واكلين البلد... اللي واكلين البلد سيادتك مش المسيحيين لكن رجال الأعمال النصابين الملتحفين بالسلطة... عدوك هو مبارك وأحمد عز وساويرس مش جورج اللي شغال عند ساويرس بالواسطة... فهمت شوية كدة؟
@PLACEB0: This is becoz of the lack of another package (which I see more logical for the majority of poor egyptians to adopt) which is the leftist package... social justice, access to economic, cultural & social rights... This is the package that people like us suffering from poverty, corruption & dictatorship are more logically supposed to adopt
بص يا مينا الحل الافضل ارد عليك بامثلة و فشركات اجنبية كمان مش مصرية علي سبيل المثال شركة
DHL
كل العاملين في الشركة الضخمة دية و هي شركة
Multi National
من الاقباط
و بنفس المنطق في الفنادق السياحية عندك فندق رويال كروان اللي في الخليفة المأمون كله اقباط
يعني الشركات الصغيرة و الشركات الكبيرة كمان المصرية و الاجنبية يعني انا لو مسيحي فقير هالاقي حد يمدلي ايده و يجيبلي وظيفة بمرتب كويس لكن لو انا مسلم فقير مفيش قدامي غير اتضرع بكفي للدعاء
لأ دا كان زمان دلوقت إحنا خلاص استقوينا بالخارج وجبنا سلاح أكتر م اللي عند حماس والفاتيكان بيستور لنا أسود من أفريقيا وجنوب شرق آسيا بفلوس ساويرس الله يفتحها عليه كمان وكمان ويفقرنا كمان وكمان ونفضل شحاتين بس لاقيين الأغنيا المسيحيين اللي يشحتونا ويشغلونا ويطلعوا دين اللي جابونا
مالك يامينا بس بقالك كام يوم عمال تقول الاسود والسلاح.انت نسيت فرق الكارتية.ولا شكلك كدا مبتحضرش التدريبات.
@oke1985 ليا واحد صحبي مسيحي مكنش لاقي شغل .راح واد زي حضرتك كدا اقترح عليه انه يروح الكنيسة علشان يشغلوة.
صاحبي قالو انت فاكر الكنيسة بتشغل حد.اكتر حاجة هيعملوها ممكن حد يكلم واحد صاحب شركة ولا حاجة علشان يشغلني عنده ولو روحت ليه هيعاملني علي اساس اني واقع وهيشغلني شغلانة اي كلام.
يا مادو انا شفت بعيني شركة دي اتش ال كلها مسيحين و المرتبات مية مية دة غير الاكل اللي بينزلهم في البريك بياكلوا سندوتشات هامبروجر و هوت دوج وشتي انواع اللحوم و طبق سلطة لكل موظف غيرش بس الدكتور مينا بيخبي الحاجات دي عشان الحسد و منبصلهمش في اللقمة
دة غير شركات الفحص أو الأوديت هيمنة قبطية علي نصف وظائف تلك الشركات يعني شركة بي في مليانة اقباط و شركة اي تي اس مليانة اقباط من الاخر المجال بتاع شغلي لقيت الشركات العالمية اللي فيه سيطرة قبطية كاملة بس برضة فيه اقباط فقراء انا مش بنكر دة بس انا بتكلم ان القبطي عنده اللي يمدله ايده و يرفع من مستواه المعيشي لكن المسلم له الله
@oke1985
واضح انك من اللي بيصدقوا اشاعة ان كل المسيحيين مبسوطين و أغنيا ... طيب بالراحة كده و انزل من بيتكم اركب اتوبيس ... و نقي أي اتوبيس يعجبك... ارفع عينك بص لفوق شوف كام ايد ماسكه الحديدة ... هتلاقي كتير دقين صلبان في ايديهم ... مع انه مش كل مسيحي داقق صليب ... هتلاقي شحاتين مسيحيين و كتير في الشارع بس انت بتميز بعينك الشحات المسلم من المسيحي ازاي ؟؟ و سواقين التاكسيات ... هتلاقي منهم مسيحيين و في كل مكان هتلاقي مسيحيين افقر من الفقر نفسه
و الله العظيم يا هاني انا عارف ان فيه مسيحيين فقرا جدا بس انا فعلا مش فاهم هما فقرا لية لية محدش ظبطهم زي المسيحيين الكتير اللي اتظبطوا دول يمكن دول مش بيصلوا في كنيسة فيها رجال اعمال لكن المتظبطين بيصلوا في كنايس من اللي فيها ساويرس و غبور بصراحة مش عارف
بص يا عمرو هو كلام مينا صح طبعا لأن المسيحي مش بيشحت غير من المسيحي اللي زيه علشان كدة احنا مش بنشوفهم بس زي ما فيه مسيحين اغنياء جدا فيه برضه مسلمين اغني منهم وزي ما في مسحين شحاتين في مسيحين تجار ذهب بس علشان المجتمع المسيحي منغلق علي الكنيسة انت مش عارف تحصرهم
و مين قال لك ان في كتير بيتظبطوا !!؟ طيب شوف انا ليا اربع اصحاب مهندسين شغالين في اماكن مختلفة قعدوا من الشغل غصب عنهم فترة الشهر اللي فات -توابع الازمة الاقتصادية- مش لاقيين شغل لحد دلوقتي ... و اهم مسيحيين ... و خلي بالك مش هيلاقوا بسهوله ... مفيش حاجة اسمها متظبطين بيصلوا في كنايس بيصلي فيها ساويرس و لا غبور ... دول رجال اعمال اهم حاجة عندهم انهم يستفيدوا من اللي شغال كويس و ميهمهمش يكون ايه
زي ما في مسحيين بيشغلو بعض في مسلمين برضه مبيشغلوش غير مسلمين.
بس الي اعرفة كويس ان رأس المال ملوش دين.ومش معقولة واحد صاحب مشروع همه كله الربح يشغل واحد علشان هو من دينة بس اكيد برضة بيدور علي الكفاءة ولو ابن دينة مش كفء هيقوله باباي ياشاطر.
ومش حابب من الاساس تقسيم البلد فرق.
وبالنسبة لعدم اتجاه الاقباط او المسلمين لليسار.دا نتيجة تهميش الدولة لكل التيارت المخالفة لسياستها.
فطبيعي جدا ان الانتماء يبقي انتماء ديني وتلاقي المسيحي بيجري علي الكنيسة والمسلم يركب الموجة السلفية او الاخوانية.ودا بيديلة نوع من الانتماء والاحساس بالامان.
@mado: عايز اقولك ان المقارنة كدة مش صح .... يعني لو انت صاحب شغل وجالك اتنين نفس الامكانيات ونفس المؤهل ونفس السن بس واحد مسلم والاخر مسيحي .... حتشغل انهي فيهم ؟؟
تصدق يا اخي انا من زمان شاكك في المسيحيين دول، و الواد أمير صاحبي المسيحي انا شاكك فيه من زمان انه بيدعي الفقر و بيطلع ميتين امه في الشغل في أرامكس علشان مش لاقي شغل في حته تانيه. أتاريه شغال مدير إداره في دي اتش إل و بيضحك علي (صاحبي ده بالمناسبه من اليأس سافر إيطاليا و عايش هناك دلوقتي و مبسوط أخيرا). أنا ابوي شيخ و له وضعه شويه في الوسط الأزهري في بلدنا و عن طريقه شفت ناس كتير بتروح برضو الجامع و بتكلم شيخ الجامع لو يعرف أي حد يظبطه في شغلانه، و شيخ الجامع مبيظبطش غير الإخوه المتدينين بس. يعني حكاية التظبيط دي ملهاش علاقه بدين معين ولا برجال أعمال ولا برجال بطيخ ولا في مسيحيين مسيطرين على اقتصاد ولا نيله (معلش انا رخم و مبقولش أقباط علشان انا قبطي و مسلم). بطلوا بتنجان و النبي، بيقول لك ان الحزب النازي خطابه تجاه اليهود في ألمانيا كان شبه كده (اليهود مسيطرين على الاقتصاد كله و كلام من ده)
لا مش محتاجة ضبط زوايا طائفي
احنا كنا بنتكلم في موضوع طويل عريض جدا
والقصد هو انه احيانا شخصين بيعرضوا نفس القضيه وليهم نفس التوجه عشان يوصلوا لنفس الهدف
اي موضوع بقا...طائفيه مقاومه...تحرير مراه...اي موضوع
في شخص بذكائه ممكن يكون الاقدر والاكثر اقناعا والاكثر ذكاءا انه يحصل علي سكور في النقاش وكسب التأييد ووو
وواحد تاني حتي لو انت مقتنع جزئيا بكلامه ممكن تطلع كاره القضيه لانه بيسوق ادلته غلط وبيستفز الطرف الاخر
@waelabbas
انا قلت في اول كلامي اسفة علي الحصر الطائفي
ها تركبني غلط وخلاص!!!!
وبعدين صديقتي فاهمه كويس هي بتتكلم مع مين وفهمت ان كلامي هو دعابة
وكتبت:p
>>> اللي بقي بيقفش من الهزار ,,,, يبقي عنده هسهس طائفية !!!هو اللي محتاج ضبط زوايا طائفي
80 comments so far
@MinaZekri : المسيحيين فقدوا الثقة فى مؤسسة الدولة ، و بالتالى مش عايزين يدوا أى صلاحيات للمؤسسة دى ، و دة اللى بيحدفهم يمين .... و أنا متفق معاهم فى كدة يا رفيق
11 months ago by maikelnabil
ايه هي الاسباب الكتير دي يا مينا ؟
11 months ago by HanyGeorge
لا خلاص ماليش نفس... مرة تانية بقى
11 months ago by MinaZekri
!؟
11 months ago by HanyGeorge
أصل حاجة تغيظ يا هاني... الأقباط زيهم زي بقية الشعب طالع دين أبوهم ومش لاقيين ياكلوا وتلاقي يوم ما قبطي يخرج برة شرنقة الكنيسة ويقراله كتابين يتفلحص ويبقى مع الخصخصة والاستثمار والبزنس المفتوح وكأنه خلاص بيلعب بالأسهم والسندات... وهم زي بقية الشعب يعني طافحين الكوتة
11 months ago by MinaZekri
اكيد زيهم زي بقية الشعب طلعان عينهم و موافقك انه اي حد بيقرا كتابين بيحس انه بقي اطول حوالي متر ... انت بتقول المنطق لأسباب كتير انهم يجيبوا شمال ... ايه الاسباب ؟
11 months ago by HanyGeorge
القبطي الكحيان - زي حالاتنا - ويجعجع بأطروحات الرأسمالية والليبرالية الجديدة والسوق المفتوح بيفكرني على طول بالكحيت ابو شبشب مقطوع وهو قاعد مع عزيز بيه القليط والسيجار في بقه وبيقول له يا مون بيه... وهو شحات مش لاقي ياكل
11 months ago by MinaZekri
ههههههههههههههههههههههههههههههههههههههههههههههههههههههههههههههههههههههههههههههههههه
11 months ago by HanyGeorge
بس ده مش معناه انه لازم يتجه لليسار برضه ... لأنه معني كده انه أي واحد غني مينفعش يبقي يساري
11 months ago by HanyGeorge
ما فيش علاقة بين سلطة الدولة و أو ضعفها و اليمين أو اليسار. الإخوة الأقباط من أهل اليمين ممكن تعجبهم اللعبة دي
http://www.facebook.com/apps/application.php?id=2575475179
11 months ago by gharbeia
في ظل الفقر واحتكار كل موارد البلاد في إيد عصابات السلطة ورجال الأعمال الأوساخ الملتحفين بالسلطة - وهي طبيعة الرأسمالية في الدول المستبدة الإستهلاكية - الطبيعي إن الناس الطبيعية تجيب ناحية المطالب بتاعة العدالة الاجتماعية والحقوق الاقتصادية والاجتماعية اللي بالمناسبة لا تعني التنازل عن الحقوق السياسية والمدنية
الطبيعي للجماعات المستضعفة في المجتمع إنها تكون بتدور على جلول تشجع على التحركات الجماعية للطبقات الكادحة من أجل حقوق اقتصادية واجتماعية ترسخ المساواة اللي عمرها ما هتتحقق أبدا في ظل نظام رأسمالي غارق في الفساد يزداد فيه الغني ثراءا ويزداد الفقير فيه فقرا
11 months ago by MinaZekri
@gharbeia: اللعبة دي تحديدا هي اللي خلتني أكتشف إني بالفطرة هوايا يساري لا سلطوي
الناس دايما بتخلط بين اليسار والسلطوية
اليمين والشمال تقسيمة اقتصادية بالأساس
السلطوية والتحررية تقسيمة اجتماعية وفكرية بالأساس
11 months ago by MinaZekri
طيب و الحلول التي تشجع علي الحصول علي حقوق اقتصادية و اجتماعيه لازم تكون جايه من ناحية اليسار ؟؟ يا مينا ليه ما نجمعش ما بين مميزات كل الاتجاهات دي ؟؟ و نحاول ان نبتعد عن عيوبها
11 months ago by HanyGeorge
خش العب اللعبة وتعال طيب... هتعجبك
:)
11 months ago by MinaZekri
@MinaZekri معظم الناس هواهم يساري تحرري على عكس أحزابهم.
@Hany George لو شايف إن الحل جماعي، تبقى يساري. لو شايف إن الحلول فردية تبقى يمين.
11 months ago by gharbeia
WoW i am like ghandy :)))
11 months ago by HanyGeorge
liberterian left
11 months ago by HanyGeorge
يعني ما طلعتش يميني أهو... شفت بقى إن المنطقي إنك تبقى يساري
:-D
11 months ago by MinaZekri
انا مبسوط ... عاندي مرة واحدة
11 months ago by HanyGeorge
ما فيش علاقة بين إنك تبقى شايف الحل جماعي و إنك تعمل دا من غير ما غير ما قلة ناس يبلطجوا على الأغلبية. بالعكس، دا ال المفروض يحصل.
ال حصل هو إن الناس ال محتكرين السلطة بيخافوا من الحل الجماعي، و علشان كدا دايما الإعلام بيخوف الناس من أي حاجة يسارية، و بيرسموا صورة الوحش السوفييتي، أو بيخوفوا الناس من وحش تاني اسمه "الفوضى".
11 months ago by gharbeia
السبب هو نفس السبب اللي خلى العمال في كفر الدوار والمحلة والعاشر من رمضان وكل المدن الصناعية يخترقهم التيار السلفي بقوة بدل من أن يميلوا نحو الإشتراكية
خصوصا في المدن الجديدة زي العاشر واكتوبر
11 months ago by waelabbas
Ya Mina, 3alashan men qadeem el zaman we feih etefaq gheir mo3lan bein el moslemeen wel aqaleyat el deneyah el tanyah: sebolna el 7okoma, we 7anseblokom el business. Fa maynfa3sh teegy we teqool seebkom men el business, we nesthtaghal eshterakeyah, we khososan en 90% men el balad moslemeen. Ya3ny ay kekah homa 7ayekhdo menha 9/10. Fa ya3ny yakhdo el 7okm we 9/10 el business kaman?
11 months ago by Sandmonkey
Dah el sabab el manteqy elly ana shayfoh. ama ba2a en kanet el 7araka el lebraleyah el seyasah el qebteyah assasan feiha ay no3 men ay fekr aww sense, dih qessah tanyah. Ana mesta7lef ashabsheblohom lama anzel masr assasan, 3alashan ba2a badnenny aktar men el Ikhwan!
11 months ago by Sandmonkey
By the way, it's not logical to be leftists than it is logical to be rightist. No Ideology has masterd the art of Panacea yet, and their adherents become more zealoted and dogmatic than religious people because of it. If one is serious about solving issues, one has to keep his mind open to dieas from all sides and choose based on the subject. Ay 7agah gheir ekdah tahreeg rasmy we ghabah! Ma3a kamel e7teramy tab3an le ay Yasary aww yameeny shayef enoh howa elly laqah 7all el kon (zay mana kont kedah men sanateen kedah :P)!
11 months ago by Sandmonkey
زمن الأيديولوجية قد ولى وفات وكما أعلن فريدريك فيلهولم نيتشه سابقا أن الله قد مات فبالأولى أن نعلن أن الأيديولوجية قد ماتت !!!
11 months ago by waelabbas
@Sandmonkey: هارد بس على جزئية الحكم للمسلمين والاقتصاد للأقباط... هو انت مسدأ فعلا إن الأقباط واخدين الاقتصاد ومسيطرين ع البيزنس؟؟؟
هو انت بتحسب إمبراطور زي ساويرس على إنه "الأقباط"؟ طب لما لكح كرجل أعمال هرب بالفلوس ما ساب ليش "نصيبي" كقبطي... وعمري ما شميت ريحة فلوس غبور أو ساويرس... اقتصاد إيه يا راجل بس اللي متساب للأقباط؟ الأقباط دول مصريين عاديين طالع دين أبوهم زي الباقيين وأغلبهم في الحقيقة موظفين حكومة مش تجار ولا بتوع بزنس... وبالإضافة لده بيعانوا من التمييز والوصم والتخوين والتكفير ومن الأحرى بيهم إنهم يكونوا ضمن الناس اللي بتسعى لحلول جماعية وتحرك نحو مشتركات شعبية جماعية كفئة مهضومة حقوقها بزيادة حبتين عن الباقيين
11 months ago by MinaZekri
افكار اليسار غير موجودة على الساحة... نشم على ضهر ايدنا ولا ايه
11 months ago by waelk
@waelk: طب ليه مش موجودة؟
11 months ago by MinaZekri
علشان اليسار المصري فكسان و مليان هتيفه و بعيد عن أرض الواقع و فاقد الصله مع المجتمع......... حلوين البقين دول؟ :D
11 months ago by BooDy
طب أرجع ليبرالي يميني شوفيني تاني يعني ولا إيه النظام الله يحرقكوا
11 months ago by MinaZekri
لا بقولك ايه... احنا ماصدقنا... عاوز الصراحة.. المشكلة فينا... اليسار بقاله فترة بيتخلى عن العدالة الاجتماعية ويركز في التنوير وحرية التعبير وكأنها قضايا قائمة بذاتها... وكذلك الاسلاموفوبيا العالية في صفوفه خلته يفقد الكثير من "صلته بأرض الواقع والمجتمع"... ماشي يابودي
11 months ago by waelk
@waelk: يا عم وائل أنا اللي خلصني من الإسلاموفوبيا ما كانش الليبراليين ولا حتى حقوق الإنسان ولكن بالأساس أصدقائي اليساريين... يسار الإسلاموفوبيا دا اللي هو مين؟ التجمع بتاع اللوا رفعت السعيد ومع الدولة ضد الإرهاب؟؟ وهو دا يسار يا راجل
التجمع في التمانينات والنص الأول من التسعينات كان عارف يستقطب الأقباط بالإسلاموفوبيا تحديدا ودلوقت الليبراليين الجدد برضو بيستقطبوهم بنفس الفزاعة
11 months ago by MinaZekri
اصدقاءك اليساريين مش كتاب منتظمين-للأسف- وهو ده مجال انتشار الأفكار...كام واحد بيكتب على العدالة الاجتماعية في صوت الأمة ولا الدستور... وحتى البديل (اليساري) نص نص ... وكمان لا تستهن بتأثير التجمع كصوت وحيد لليسار حتى وقت قريب ...
11 months ago by waelk
اليساريين من الآخر نفسهم مقطوع ومعندهمش مثابرة وجلد ومع الرايجة يخشوا زي هوجة غزة كده لكن ما ياخدوش مبادرات من نفسهم وعندهم احساس بالنقص رهيب - يعني نقص في العدد والعدة وبيصحوا متأخر وبيسهروا من غير ما يعملوا شيء مفيد والطالب اليساري لعبي ومش متفوق على عكس الطالب الإخوانجي وسلبيات كتير ومش واخدين قضية على قلبهم وحتى لو واخدين بيحبوا يريحوا كتير في النص
ما تزعلش مني يا وائل الحق حق
11 months ago by waelabbas
خلاص بقى نسيب الأقباط للإخوة الليبراليين الجدد بتوع "التنوير" ومكافحة "الظلامية" والترويج للخصخصة والنخصصة والأسواق المتفشخة، أو نسيبهم للأب يوتا ومواقع دولة أقباط مصر ويو إس كوبتس دوت كوم وبقية سلسلة الخرائيات... بس والنبي بقى ما حدش يبقى يلوم عليهم إنهم طائفيين ومع التطبيع وبيستقووا بأمريكا وشارون الله يرحمه ولا نلومهم على إيمانهم أن نار مبارك ولا جنة الإخوان
11 months ago by MinaZekri
معلش القافية حكمت ... أنا أعرف واحد بياخد القضية على سدره ويطلعها من مناخيره
11 months ago by MinaZekri
الحق ما يزعلش.... وطول ما فيه روح الهواية في أي حركة أو تيار عمر ما ينجز ويتقدم
11 months ago by waelk
Lately it seems like a package not a mix and match situation, if you think u're civilized and you yearn to leave this country coz u're too good for such a place then u must adopt the liberal package that among its main concerns tags everybody else as ignorant.
11 months ago by PLACEB0
مينا انت لية مش عايز تعترف بالحقيقة ان الاقباط واخدين البيزنس بس مش كل الاقباط علي طريقة ساويرس و غبور و لكح لكنكم واخدين البيزنس بانكوا بتاخدوا وظائف في شركات مرموقة و مرتبات كبيرة و باب الهجرة و ايجاد فرص عمل في الخارج مفتوح قدامكوا لكن المسلمين معندهومش حد يمد لهم ايده مش لاقي تاكل اخبط دماغك في الحيط
11 months ago by oke1985
بمعني ان غبور عنده في شركاته موظفين اقباط كتير علي حساب المسلمين دة كمثال و عندي امثلة تانية كتير انا شفتها بعيني في علم البيزنس
11 months ago by oke1985
@oke1985: تصوراتك لا أساس لها من الصحة... التقسيمة بتاعة المجتمع في الشغل والوظايف والفلوس مش دينية وإنما طبقية
تصوراتك غير الموضوعية دي جزء كبير منها بالمناسبة حكومية المصدر... يعني وزيرة القوى العاملة (أم إعدادية وزغروطة) قالت نفس كلامك ده بصيغة إن الأقباط وهم 10 % يمتلكون 30 % من ثروة البلد... ودا يا ناصح يا أذكى اخواتك خطاب طائفي تحريضي... لأن ما ينفعش تحسب فلوس ساويرس على إنها فلوسي... التقسيمة محتاجة ترجع تاني تتشاف طبقية مش طائفية... يعني الفقرا نسبتهم 95 % مثلا والأغنيا 5 % وساعتها تبقى فيه مبررات للنضال المشترك ضد اولاد الوسخة اللي واكلين البلد... اللي واكلين البلد سيادتك مش المسيحيين لكن رجال الأعمال النصابين الملتحفين بالسلطة... عدوك هو مبارك وأحمد عز وساويرس مش جورج اللي شغال عند ساويرس بالواسطة... فهمت شوية كدة؟
11 months ago by MinaZekri
@PLACEB0: This is becoz of the lack of another package (which I see more logical for the majority of poor egyptians to adopt) which is the leftist package... social justice, access to economic, cultural & social rights... This is the package that people like us suffering from poverty, corruption & dictatorship are more logically supposed to adopt
11 months ago by MinaZekri
طبعا الأقباط في الزبالين ومنشية ناصر وظائف مرموقة... والصعايدة الأقباط كلهم وظائف مرموقة
11 months ago by waelk
بص يا مينا الحل الافضل ارد عليك بامثلة و فشركات اجنبية كمان مش مصرية علي سبيل المثال شركة DHL كل العاملين في الشركة الضخمة دية و هي شركة Multi National من الاقباط و بنفس المنطق في الفنادق السياحية عندك فندق رويال كروان اللي في الخليفة المأمون كله اقباط يعني الشركات الصغيرة و الشركات الكبيرة كمان المصرية و الاجنبية يعني انا لو مسيحي فقير هالاقي حد يمدلي ايده و يجيبلي وظيفة بمرتب كويس لكن لو انا مسلم فقير مفيش قدامي غير اتضرع بكفي للدعاء
11 months ago by oke1985
انا مش بقول مين عدوي انا بقولك لية الاقباط ليبراليين و رأسمالين و من انصار الاقتصاد الحر لانهم مستفيدين من هذا الوضع
11 months ago by oke1985
يخرب بيت الغباء بجد
11 months ago by MinaZekri
يا مينا انا عايز اوصل ان المسيحي وضعه افضل كتير من المسلم في مصر بدليل حد فيكوا شاف مسيحي واقف بيشحت قدام كنيسة لكن بنشوف مسلم بيشحت قدام الجامع
11 months ago by oke1985
يا ابني اتهد بقى... المسيحيين بيشحتوا جوة الكنيسة وبيسموهم إخوة الرب... إنت بس ما بتشوفش شحاتين الكنايس عشان الكنيسة ليها سور والجامع مفتوح ع الشارع
خش نام بقى عشان ما اطلعش عليك الأسود من جوة... إنت مش برضو من اللي مسدقين إن فيه أسود وسلاح جوة؟؟؟
11 months ago by MinaZekri
لية هو انا اهبل عشان اصدق الهجس دة
11 months ago by oke1985
المسيحية مفيهاش جهاد
11 months ago by oke1985
لأ دا كان زمان دلوقت إحنا خلاص استقوينا بالخارج وجبنا سلاح أكتر م اللي عند حماس والفاتيكان بيستور لنا أسود من أفريقيا وجنوب شرق آسيا بفلوس ساويرس الله يفتحها عليه كمان وكمان ويفقرنا كمان وكمان ونفضل شحاتين بس لاقيين الأغنيا المسيحيين اللي يشحتونا ويشغلونا ويطلعوا دين اللي جابونا
خش نام بقى
11 months ago by MinaZekri
مالك يامينا بس بقالك كام يوم عمال تقول الاسود والسلاح.انت نسيت فرق الكارتية.ولا شكلك كدا مبتحضرش التدريبات.
@oke1985 ليا واحد صحبي مسيحي مكنش لاقي شغل .راح واد زي حضرتك كدا اقترح عليه انه يروح الكنيسة علشان يشغلوة. صاحبي قالو انت فاكر الكنيسة بتشغل حد.اكتر حاجة هيعملوها ممكن حد يكلم واحد صاحب شركة ولا حاجة علشان يشغلني عنده ولو روحت ليه هيعاملني علي اساس اني واقع وهيشغلني شغلانة اي كلام.
11 months ago by mado
يا مادو انا شفت بعيني شركة دي اتش ال كلها مسيحين و المرتبات مية مية دة غير الاكل اللي بينزلهم في البريك بياكلوا سندوتشات هامبروجر و هوت دوج وشتي انواع اللحوم و طبق سلطة لكل موظف غيرش بس الدكتور مينا بيخبي الحاجات دي عشان الحسد و منبصلهمش في اللقمة
11 months ago by oke1985
الخيط ده حول اليسار والليبرالية.... نعمل خيط تاني حوالين هل المسيحي وضعه افضل؟
11 months ago by waelk
دة غير شركات الفحص أو الأوديت هيمنة قبطية علي نصف وظائف تلك الشركات يعني شركة بي في مليانة اقباط و شركة اي تي اس مليانة اقباط من الاخر المجال بتاع شغلي لقيت الشركات العالمية اللي فيه سيطرة قبطية كاملة بس برضة فيه اقباط فقراء انا مش بنكر دة بس انا بتكلم ان القبطي عنده اللي يمدله ايده و يرفع من مستواه المعيشي لكن المسلم له الله
11 months ago by oke1985
لا يا استاذ وائل القضية لية المسيحي بيتجه ناحية الليبرالية مش ناحية اليسار لانه الرأسمالية في مصلحته انا مخرجتش برة الموضوع
11 months ago by oke1985
@oke1985 واضح انك من اللي بيصدقوا اشاعة ان كل المسيحيين مبسوطين و أغنيا ... طيب بالراحة كده و انزل من بيتكم اركب اتوبيس ... و نقي أي اتوبيس يعجبك... ارفع عينك بص لفوق شوف كام ايد ماسكه الحديدة ... هتلاقي كتير دقين صلبان في ايديهم ... مع انه مش كل مسيحي داقق صليب ... هتلاقي شحاتين مسيحيين و كتير في الشارع بس انت بتميز بعينك الشحات المسلم من المسيحي ازاي ؟؟ و سواقين التاكسيات ... هتلاقي منهم مسيحيين و في كل مكان هتلاقي مسيحيين افقر من الفقر نفسه
11 months ago by HanyGeorge
و الله العظيم يا هاني انا عارف ان فيه مسيحيين فقرا جدا بس انا فعلا مش فاهم هما فقرا لية لية محدش ظبطهم زي المسيحيين الكتير اللي اتظبطوا دول يمكن دول مش بيصلوا في كنيسة فيها رجال اعمال لكن المتظبطين بيصلوا في كنايس من اللي فيها ساويرس و غبور بصراحة مش عارف
11 months ago by oke1985
بص يا عمرو هو كلام مينا صح طبعا لأن المسيحي مش بيشحت غير من المسيحي اللي زيه علشان كدة احنا مش بنشوفهم بس زي ما فيه مسيحين اغنياء جدا فيه برضه مسلمين اغني منهم وزي ما في مسحين شحاتين في مسيحين تجار ذهب بس علشان المجتمع المسيحي منغلق علي الكنيسة انت مش عارف تحصرهم
11 months ago by tamersala7
مممم و الله كلام تامر مقنع لحد كبير اقوم اروح بقي اصل انا في الشغل لسة في أحد معاقل الرأسمالية البغيضة بأبشع صورها
11 months ago by oke1985
و مين قال لك ان في كتير بيتظبطوا !!؟ طيب شوف انا ليا اربع اصحاب مهندسين شغالين في اماكن مختلفة قعدوا من الشغل غصب عنهم فترة الشهر اللي فات -توابع الازمة الاقتصادية- مش لاقيين شغل لحد دلوقتي ... و اهم مسيحيين ... و خلي بالك مش هيلاقوا بسهوله ... مفيش حاجة اسمها متظبطين بيصلوا في كنايس بيصلي فيها ساويرس و لا غبور ... دول رجال اعمال اهم حاجة عندهم انهم يستفيدوا من اللي شغال كويس و ميهمهمش يكون ايه
11 months ago by HanyGeorge
زي ما في مسحيين بيشغلو بعض في مسلمين برضه مبيشغلوش غير مسلمين. بس الي اعرفة كويس ان رأس المال ملوش دين.ومش معقولة واحد صاحب مشروع همه كله الربح يشغل واحد علشان هو من دينة بس اكيد برضة بيدور علي الكفاءة ولو ابن دينة مش كفء هيقوله باباي ياشاطر.
ومش حابب من الاساس تقسيم البلد فرق. وبالنسبة لعدم اتجاه الاقباط او المسلمين لليسار.دا نتيجة تهميش الدولة لكل التيارت المخالفة لسياستها. فطبيعي جدا ان الانتماء يبقي انتماء ديني وتلاقي المسيحي بيجري علي الكنيسة والمسلم يركب الموجة السلفية او الاخوانية.ودا بيديلة نوع من الانتماء والاحساس بالامان.
11 months ago by mado
@mado: عايز اقولك ان المقارنة كدة مش صح .... يعني لو انت صاحب شغل وجالك اتنين نفس الامكانيات ونفس المؤهل ونفس السن بس واحد مسلم والاخر مسيحي .... حتشغل انهي فيهم ؟؟
11 months ago by tamersala7
تصدق يا اخي انا من زمان شاكك في المسيحيين دول، و الواد أمير صاحبي المسيحي انا شاكك فيه من زمان انه بيدعي الفقر و بيطلع ميتين امه في الشغل في أرامكس علشان مش لاقي شغل في حته تانيه. أتاريه شغال مدير إداره في دي اتش إل و بيضحك علي (صاحبي ده بالمناسبه من اليأس سافر إيطاليا و عايش هناك دلوقتي و مبسوط أخيرا). أنا ابوي شيخ و له وضعه شويه في الوسط الأزهري في بلدنا و عن طريقه شفت ناس كتير بتروح برضو الجامع و بتكلم شيخ الجامع لو يعرف أي حد يظبطه في شغلانه، و شيخ الجامع مبيظبطش غير الإخوه المتدينين بس. يعني حكاية التظبيط دي ملهاش علاقه بدين معين ولا برجال أعمال ولا برجال بطيخ ولا في مسيحيين مسيطرين على اقتصاد ولا نيله (معلش انا رخم و مبقولش أقباط علشان انا قبطي و مسلم). بطلوا بتنجان و النبي، بيقول لك ان الحزب النازي خطابه تجاه اليهود في ألمانيا كان شبه كده (اليهود مسيطرين على الاقتصاد كله و كلام من ده)
بضااااااان!
11 months ago by BooDy
@MinaZekri: تخميني في محله أنت من أفضل وأذكي الشخصيات اللي ممكن الانسان يقابلها من"الاقباط" واسفه علي الحصر الطائفي
11 months ago by amanikhalil2000
@amanikhalil2000: أيوة فعلا "قبطي" بس كويس... بتحصل أحيانا
:-P
11 months ago by MinaZekri
لووول @ أماني
مش باقولك
11 months ago by waelabbas
علي فكرة انا باستمتع جدا بمناقشاتك يا مينا
11 months ago by bluerose
كنت بقول الكلام ده من يومين لصديقه قبطية علي المسنجر مينا اذكي وهاني الاطيب والاتنين خسارة فيكم يا ماريان :p
11 months ago by amanikhalil2000
هي بقت كدة؟؟؟ طب ماشي
11 months ago by MinaZekri
معلش يا مينا محتاجة ظبط زوايا طائفة وها تبقى كويسة والله
هي بس مش مدركة إن كلامها ده في حد ذاته طائفي وبوليتيكالي إنكوريكت
أخبار حملتنا إيه؟
كتبت حاجة؟
11 months ago by waelabbas
لأ لسة... بالليل هقعد أمخمخ كدة واكتب
11 months ago by MinaZekri
شفت العيال الواطية بتوع البديل قلت للواد أسد يجس نبضهم طلعوا واطيين واطيين
11 months ago by waelabbas
داري على شمعتك انت وهو
11 months ago by waelk
ليه انت وصلك حاجة يا معلمي؟
11 months ago by waelabbas
لا مش محتاجة ضبط زوايا طائفي احنا كنا بنتكلم في موضوع طويل عريض جدا والقصد هو انه احيانا شخصين بيعرضوا نفس القضيه وليهم نفس التوجه عشان يوصلوا لنفس الهدف
اي موضوع بقا...طائفيه مقاومه...تحرير مراه...اي موضوع في شخص بذكائه ممكن يكون الاقدر والاكثر اقناعا والاكثر ذكاءا انه يحصل علي سكور في النقاش وكسب التأييد ووو وواحد تاني حتي لو انت مقتنع جزئيا بكلامه ممكن تطلع كاره القضيه لانه بيسوق ادلته غلط وبيستفز الطرف الاخر
@waelabbas انا قلت في اول كلامي اسفة علي الحصر الطائفي ها تركبني غلط وخلاص!!!!
وبعدين صديقتي فاهمه كويس هي بتتكلم مع مين وفهمت ان كلامي هو دعابة وكتبت:p
>>> اللي بقي بيقفش من الهزار ,,,, يبقي عنده هسهس طائفية !!!هو اللي محتاج ضبط زوايا طائفي
10 months, 4 weeks ago by amanikhalil2000
وبعدين هو انا قلت ايه اصلا عشان يبقي بوليتيتكالي ان كوريكت انا مناقشتش الموضوع الجايكودي اصلا
انا مجرد قلت مينا ذكي وبس
ولا مين ذكي دي بوليتكالي ان كوريكت؟؟:)
10 months, 4 weeks ago by amanikhalil2000
@amanikhalil2000:
no no noooo
not politically incorrect... just scientifically incorrect
LOL
:-D
10 months, 4 weeks ago by MinaZekri
@MinaZekri:
2LOL
كمان واحنا ورانا حاجة....ساينتفيكلي اه بوليتكالي لا
مقبلهاش ابدا:) :D
10 months, 4 weeks ago by amanikhalil2000
اعتقد طالما بيللا هى اللى بتقعد مع ليبراليين جدد كتير هى اللى ممكن تشرح لكم المشوار ده
10 months, 4 weeks ago by azzamoghazy